Коронавирус жуктурган адамдын өпкөсүнүн рентген сүрөтү дарыгерди шок кылды
“COVID-19 вирусун жуктурган адамдын өпкөсү өтө жаман абалга кептелгенин рентген сүрөтү көрсөттү” деп билдирди «Дейли Мейл» («Daily Mail») басылмасы.
АКШнын Техас технологиялык университетинин медициналык илимдер борборунун доценти, дарыгер Бриттани Бэнкхед-Кендалл ден соолугу жакшы, тамеки тарткан жана коронавирус жуктурган 3 адамдын өпкөсүнүн рентген сүрөттөрүн көрсөттү. Анын айтымында, COVID-19 вирусунан айыккан бейтаптардын өпкөсү тамеки тарткан адамдардын өпкөсүнөн дагы жаман абалда болгон.
Коронавирус жуктурган адамдын өпкөсүнүн рентген сүрөтү дээрлик аппак болчу. Дарыгердин айтымында, өпкөнүн тунарып көрүнүшү бул органда суюктук же бактерия жык толгонун айгинелейт.
Тамеки тарткан адамдардын өпкөсүнүн рентген сүрөтүнөн айрым бөлүгү гана агарып, сүрөт тунарып калганын көрүүгө болот. Ал эми коронавирус жуктурбаган жана тамеки тартпаган адамдын өпкөсүнүн рентген сүрөтүндө кара бөлүктөр көп экенин көрүүгө болот. Бул анын өпкөсүндө жетиштүү деңгээлде кычкылтек бар экенин далилдейт.
“Баракелде”