Балбак Түлөбаев: “20 жылда берилбеген жердин кызыл китептерин тапшыра баштадык”
-- Балбак мырза, жүрөк кубана турган жакшы иштер болуп жатат. Жаңы конуштардагы бүтпөй жаткан документтерди бүтүрүү иштерин баштадыңыз. Тоскоолдуктар болгон жокпу? Акырына чыгасызбы? Документтер чындап бүтүп, миңдеген адамдардын кызыл китептери колго тийеби? “2-3 ай иштеп, анан кетем” деп жатасыз. Башталган иш аягына чыгабы?
-- Учурда комиссия иштеп жатат. Буюрса баары ишке ашып, жакшы болгону турат. Эки-үч ай аралыгында бул кызматтан кетсем да, жетишип, бүтүрүп кеткенге аракеттер чоң болууда. Эң башкысы, иш башталды. Муз козголду. Аз аралыкта жетишсем жетишем, жетишпесем, албетте, башталган ишти аягына чыгарчулар болот. 1999-жылга чейинки жердин документи бүтпөй кыйналган шаардыктарга алгачкы кызыл китептер бериле баштады.
Жамиля Нурманбетова
"Азия Ньюс" гезити
