Коронавирустун изи: Кытай иликтөөлөргө тоскоолдук жаратууда
Пандемиянын башаты Кытайдын Юньнань провинциясынын токойлуу адырларында жатышы мүмкүн. Бирок бул өлкөдөн маалымат алуу оңой эмес. Акыркы айларда андан бетер татаалдашты.
"Бул жерде маалымат алуу оңой эмес. Бизди артыбыздан калбай аңдып, жолдорду атайын бууп, өткөрбөй коюшту" деди Би-Би-Синин Кытайдагы кабарчысы Жон Судворд.
Аймактагы жарганаттар популяциясы коронавирустун жүздөгөн түрүн алып жүргөнү жана алардын айрымдары адамдарга жугушу мүмкүн экендиги мурдатан белгилүү. Бирок, Юньнаньдагы үңкүрлөрдө жүгүзүлүп келген илимий изилдөөлөр күтүлбөгөн жерден өтө кызык иш болуп чыга келди. Бул жердеги чогултулган үлгүлөр дээрлик миң чакырым алыстыктагы Ухань шаарындагы лабораторияга алып келинет. “Вирус ушул жерден жаңылыштык менен тарап кеткен болушу мүмкүн” деген болжолдор болгон. Бээжин мындай жоромолду кескин четке кагууда.
Би-Би-Си
