Жылкынын айынан чырактай кыз каза болду

24-ноябрь, 12:13

2 586 ᠌ ᠌ ᠌ ᠌᠌ ᠌ ᠌᠌

Нарын облусунун Кочкор районунда жол кырсыгы катталып, 19 жаштагы кыз каза болду. Мындан тышкары үч жаран жаракат алганын ӨКМнын басма сөз кызматынан кабарлашты.

Адам өмүрүн алган автокырсык 23-ноябрь күнү саат 22:10до Бишкек–Нарын–Торугарт унаа жолунун 243-чакырымында (Төлөк айылы) катталган. Анда “Дэу Нексия” унаасынын айдоочусу трассадан жылкыны сүзүп, жолдон чыгып кеткен. Кырсыктын кесепетинен 1 аял киши (2001-жылы туулган) каза болуп, 3 эркек адам жабыркаган (1993-жылы туулган, 1997-жылы туулган, 1999-жылы туулган).

Жерине куткаруучулар тартылып, каза болгон жаранды унаадан чыгарып, “тез жардам” кызматына өткөрүп беришкен.

“Супер кж”