Акыркы кабарлар
» Коом » Мектепте мугалимдер арасында да “дедовщина” өрчүп кетиптир
Мектепте мугалимдер арасында да “дедовщина” өрчүп кетиптир
07-апрель, 20:58
Мен быйыл сентябрдан баштап мектепке ишке кирдим. Алгач баары жакшы эле болуп аткан, бирок убакыттын өтүшү менен коллективдин ичиндеги жагымсыз атмосфераны байкай баштадым. Тымызын көралбастык, мактанчаактык, ушактоо, бири-бирине ынтымагы, мээрими жок мугалимдер. Окуучулардын көзүнчө да бири-бирине түзүксүнүп көрүнгүлөрү келет. Жаңы келген мугалимди да бат эле өздөрүнүн сазына тартып кетишет. Себеби, өздөрү кандай негативдүү сезимдерди алып жүрүшсө, жаңы келген мугалим дагы ошондой болушун каалашат. “Дедовщина” деген бул бир эле армиядагы, мектептеги ж.б. физикалык күч колдонуу эмес, психологиялык жактан да басмырлоо болуп эсептелет экен. Бул деле “дедовщинанын” бир түрү. Себеби жаңы келген мугалим дагы өзүнө жасалган мамилени жокко чыгарбай, кийинки жаш мугалимге жасагысы келет. Мен да ушундай окуяга туш болуп атам. Менин нервимди кашайткысы келишет, качан болсо жиниме тийген сөздөрү ишке болгон жөндөмүмдү жоготот. Баарын атайылап жасашат. Мен сыр бербейм, бирок сабырым түгөнүп бараткандай....Айдай
"Азия Ньюс" гезити
"Азия Ньюс" гезити
