Акыркы кабарлар
» Коом » Калдарбек Абдраманов: “Медицинанын акыбалын оңдоого ниет жок экенин көрдүк”
Калдарбек Абдраманов: “Медицинанын акыбалын оңдоого ниет жок экенин көрдүк”
24-октябрь, 14:11
"Жалпы медицинанын акыбалы мышык ыйларлык. Ушуну 10 жылдан бери тынымсыз айтып эле келатабыз. Мырза коронавирус муну айкын көрсөттү. Медицинаны көтөрүүгө өкмөт акча таппайт, 30 жылдан бери. Башкасын айтпаганда да, ар бир чоң больницада борборлоштурулган кычкылтек жасоочу станция болуш керек эле. Азыр ооруканаларда станция эмес, ташып келүүгө бош балон жок!
“Медицинаны оңдоо жолу ушул” деп план проект түзүп койсок да, улам-улам ММКда айтсак да, көңүл бурган, кызыккан жан жок. “Саясат, бийлик” деп жүрүшүп, жетекчилер 30 жылда мамлекеттик медицинаны мына ушул акыбалга алып келишти. Өтө өкүнүчтүүсү, бүгүнкү саясаттагы, бийликтеги, экономикадагы кырдаал да медицинанын акыбалын оңдоого ниет да, мүмкүнчүлүк да жок экенин көрсөтүп койду!"
