Акыркы кабарлар
» Коом » Баткен облусунда коронавирустан бир адам көз жумду
Баткен облусунда коронавирустан бир адам көз жумду
04-сентябрь, 12:58
Акыркы сутка ичинде Кыргызстанда коронавирус инфекциясы жана пневмония менен ооруган 92 жаңы учур катталды. Бул тууралуу саламаттыкты сактоо министринин орун басары Нурболот Үсөнбаев брифингде билдирди.
“Бишкек шаарында - 12, Ош шаарында - 2, Чүй облусунда - 7, Ош облусунда - 15, Талас облусунда - 1, Нарын облусунда - 6, Ысык-Көл облусунда - 32, Жалал-Абад облусу - 3, Баткенде – 14 учур” деди министрдин орун басары.
Баткен облусунда COVID-19 жугуштуу оорусунан бир адам көз жумду. Республикада каза болгондордун жалпы саны 1061 адамды түзөт.
Мындан тышкары, тогуз медициналык кызматкер ооруну жуктуруп алгандардын тизмесине кирди. Бир суткада 252 адам ооруканадан айыгып чыкты.
