Жамбылдык Гүлшат Асылбаева жарабаган мыйзам менен шылдыңдадыбы?

27-июнь, 13:21

911 ᠌ ᠌ ᠌ ᠌᠌ ᠌ ᠌᠌

Депутат Гүлшат Асылбаева мурда ким эле? Кайдан келген? “Спутник” иликтеп чыкты. 

Гүлшат Асылбаева 1960-жылы 27-августта Казакстандын Жамбыл облусунун Кордай районунун Георгиевка айылында туулган. 1986-жылы Москвадагы Советтик соода институтунун экономист адистигин сырттан окуп бүткөн. Учурда жесир, эки баланын энеси.

Болочок депутат жогорку билимге ээ боло электе эле, 1982-жылы 22 жашында "Азия" акционердик коомуна жетекчи болгон. Ал компанияны 13 жыл башкарганы жазылат өмүр баянында. Мамлекеттик кызматка 1995-жылы келип, КР туризм жана спорт министрлигинде башкы адис болуп эки жыл иштеген. Андан соң тогуз жыл "Шумкар" компаниясынын башкы директору болуп эмгектенген. 2006-жылы "Кыргыз Коньягы" ишканасын жетектөөгө киришкен. Анан 2015-жылы ичимдик чыгарган заводдон түз эле Жогорку Кеңешке келип отурган. Мандатты "Өнүгүү - Прогресс" партиясынын тизмеси менен алган.

P.S. Эске салсак, Асылбаева “Маалыматты манипуляциялоо” мыйзамын таңуулап, сөз эркиндигине кысым жасоо далалаты менен коомчулуктун сынына кабылган. Ал шылдыңдап, ушундай жолго баруудабы? Учурда бул боюнча курч талкуулар жаралып, 29-июнда митинг, акциялар болгону жатат...