Акыркы кабарлар
» Коом » Кечээ 78, бүгүн 87 адамдан вирус табылды, жаңы чектөөлөр киргизилеби?
Кечээ 78, бүгүн 87 адамдан вирус табылды, жаңы чектөөлөр киргизилеби?
15-июнь, 12:39
Өлкөдө эпидемиологиялык абал курчуп кетсе, чектөөлөрдү кайра киргизүүгө аргасыз болобуз. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, азыркы тапта коомдук жайларда, анын ичинде базар, соода кылган тармактарда санитардык талаптар аткарылбай жатат. Министрдин орун басары жашы өтүп калган жарандарга вирус жуктуруп алуудан сак болууга чакырды.
Кыргызстанда акыркы суткада 87 кишиден коронавирус табылып, жалпы 2372ге жетти. Анын ичинен 1813ү айыгып, 27 бейтап көз жумду.
