Токтогул Какчекеев, серепчи: “Орустун кепилдиги менен БРИКС уюмуна кирсек, сөзсүз утушта болобуз”
-- Токтогул мырза, БРИКС уюму күчтөнсө, Кыргызстан ага мүчө болушу керекпи?
-- БРИКС уюмуна Кыргызстан эбак эле кириши керек болчу. Анткени Россия, Кытай мамлекеттери уюштурган бирикмелерге орустун кепилдиги менен кирсек, сөзсүз утушта болобуз.
-- Сырткы саясатта ишенимдүү кадам таштап жатабызбы?
-- Тышкы саясатта кылдаттык менен мамиле жасашыбыз керек. Анткени, “жардам берем” деген көпчүлүктүн бизге белгисиз болгон кызыкчылыгы сөзсүз болот. Кыргыз мамлекетине, элине зыяны тийбеген, табигый байлыктарга көз артпаган мамлекеттер менен мамилени чыңдашыбыз шарт.
-- Россия-Украина согушунда кимиси утуп, кимиси жеңилип жатат?
-- Украина Батыш өлкөлөрүнүн куралы болуп, ушул абалга келди. Орус тараптан соккулар күчөдү, кыйроого туш болушту. Буюрса, жеңиш орус тарапта болот. Укринанын жерлери бүтүндөй Россияга өтөт. Жеңишке аз эле убакыт калды...
"Азия Ньюс" гезити
