Равшан Жээнбеков айкындуулукту талап кылып, демократиялык күрөштө катуу баратат
Тарыхта кылычынан кан тамган Чыңгызханга окшогон империяларды курган хандар, Сталинге окшогон диктаторлор өттү. Далай саясый террорлор болгон, “оппозицияны репрессия кылып токтотом” деген бийликтер кулаган. Анын ачык мисалы Медет Садыркуловдун өлүмү. Бирок чындык үчүн, принцип үчүн күрөшкөн элди, оппозиционерлерди күч, курал менен токтотууга болбой турганын өзүбүздүн эле 2005-жылдын 24-март, 2010-жылдагы 7-апрель, 2020-жылдагы Октябрь окуялары алаканга салгандай ачык далилдеп бербеди беле? Акыркы болуп жаткан окуяларда саясатчы Равшан Жээнбеков эксперт Марат Казакпаевдин өлүмү боюнча чуулгандуу маселелерди бийликтин алдына коюп жатат. Тоодой, таштай киши өлүп атса, ал трагедиянын себептери болуш керек да. Равшан Жээнбеков айкындуулукту талап кылып, демократиялык күрөштө катуу баратат. Ал ушундай образда – желкесине кылыч кармап турса да, чындыкты айткан илгерки баатырлардын жосунун жасап, хандан, бектен кайра тартпаган эр мүнөзүн көрсөтүп, эл, жер үчүн өлүмгө тике карап, жанын кыйган, жүрөгүндө жалы бар баатырларды эске салууда.
"Азия Ньюс" гезити
