Прогноз погоды в городе Бишкек
Акыркы кабарлар
» » Лариса Асанбекова, акын: “Орду толбогон нерсени эстегенде эмне?”

Лариса Асанбекова, акын: “Орду толбогон нерсени эстегенде эмне?”

02-август, 09:00
271 ᠌ ᠌ ᠌ ᠌᠌ ᠌ ᠌᠌

-- Эже, кандайсыз? Ден соолугуңуз жакшыбы?

-- Жакшы, Кудайга шүгүр.

-- Өткөндө сиз экөөбүз машинаңыз менен көлгө чогуу барбадыкпы. Бишкектен көлгө жеткиче обондуу ырларыңыз жаңырып барды радиоңуздан. Канча ырыңызга обон чыкты эле?

-- Билбейм, санаган эмесмин. Илгери бир санаганымда 100дөн ашуун болчу.

-- Сиз оор басырыктуу, чыдамкай жансыз, дайыма эле алданып басып жүрөсүз. Бирок, кабагым-кашым дебейсиз. Кечирип коюп, жаркылдап жүрө бересиз. Бул касиет каяктан келген?

-- Ата тарабыман дагы, эне тарабыман дагы келген го. Эки саяктын кошулмасымын.

-- Супер саяк турбайсызбы?

-- Ооба, супер саякмын. Атамдар бай болгон. Кулакка тартылып, Украинага айдаларда бүт малын колхозго өз ыктыяры менен өткөрүп берип, кийин өз жылкыларына өзү жылкычы болгон экен.

-- Сиз “Асман-пресс” гезитин түптөгөнсүз, ар кайсы мезгилде көптөгөн редакторлор келип кетишти. Мен билгенден ошолор “ары тур” десе ары туруп, “бери тур” десе бер туруп, бир тыйын пайда көрбөй иштеп жүргөнүңүздү билем. Ээси сиз эместей...

-- Өз жылкысына жылкычы болгондойбу?

-- Ооба (күлдүк). Эже, баладай ишенчээксиз. Өзүңүз да алдайсызбы?

-- Жок, эмне кереги бар алдап? Бул эң жаман сапат.

-- Алдагандарды кечиресизби?

-- Ооба, орду толбогон нерсени эстегенде эмне? Кечирип коюп, жашай берем.

-- Үйүңүздү канча жолу алдаттыңыз?

-- Үч жолу.

-- Ошондо да эсиңизге келбедиңизби?

-- Эми келдим окшойт. Айла жоктон келет экенсиң.

-- Азыр каякта жашап жатасыз?

-- Уулумдукундамын. Азырынча...


Динара Бейшеналиева 
"Азия Ньюс" гезити
Бөлүшүү:
Тектеш материалдар:
Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
Бүркүттүн алдында калган коёндой эле бырпырадым…
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
Өлгөн адамдар түшкө кирсе эмне болот?
Aryba.kg - Маалымат порталы
Сайтка баа бер