Тазабек Икрамов, ЖК депутаты: “Жамиля Исаеванын мыйзамын карайбыз”
-- Тазабек мырза, сиз комитеттин жыйынында TikTok аркылуу сөгүнгөндөрдү жазалоону сунуштадыңыз. Сиздин оюңузча, ошондой чаралар абалды оңдой алабы?
-- Бүгүн депутат Жамиля Исаеванын балдарды интернеттеги терс маалыматтардан коргоо боюнча мыйзам долбоору биринчи окуудан каралат. Мен ошол долбоорго айрым сунуштарды берип кеттим. Бүгүнкү күнү өзүңүздөр көрүп атасыздар, TikTokко экиден чыгып алышып, бири-бирин уят сөздөр менен сөгүп аткан учурлар бар. Фейсбук аркылуу мас болуп алып, бири-бирин сөккөндөр болууда. Алардын ким экени көрүнүп турат, даректери бар. Ошондуктан, мен аларга айып пул салууну сунуштап жатам. Алар экинчи ошентип жаман сөз оозанбагандай кылыш керек. Көбү азыр эч кандай жаза албай калып атпайбы. Ошондон улам жанагындай көрүнүштөр кайра-кайра кайталанууда. Интернет деген чоң нерсе да. Аны көргөн жаштар кандай тарбия алат?
-- Айып пулдун өлчөмү канча болуш керек?
-- Мен 50 миң сом деп сунуштадым. Кесиптештерим да өздөрүнүн сунуштарын айтышат го.
