Министр Жунушалиев акыркы күндөрү сөгүнчөөк болуп кеттиби?
“Оро албаган орок тандайт” дечү эле. “Участковыйдан” көтөрүлгөн Кашкар Жунушалиев кол астындагы ички иликтөө кызматы менен 7-башкармалыкка таянып алып, калган жагын “каарып жеп”, күнүгө урушуп, сөгүп-сагып атабы? Алапайын таппай калган комендант Алмаз Орозалиевди жүдөтүп, иштерин үзгүлтүккө учураткан кербезиби? Өздүк курамда моралдык-психологиялык жагдай начарлап, баардык көйгөйлөр министрге такалганы, натыйжада, нааразы болгон милициянын катмары көбөйүптүр. Өзгөчө абал учурунда ансыз да кырдаал кырды-бычак болуп баратса, Кашкар Жунушалиевдин уюштуруучулук жөндөмү жетишпесе, аягы жакшылык менен бүтпөйт го? Интрига ырбап, ыр-чыр күчөгөн жерде ырааттуулук болобу?..
Коопсуздук кеңеши, президенттик аппарат учурдагы ИИМдеги ички атмосферасына иликтөөгө алып, бир тыянакка келишпесе, эртең кеч болуп калбайбы?..
А баса, Кашкар Жунушалиев “чоң муштумдар” Малик Нурдинов менен Жеңиш Жоробековду сөгө албаганы эмнеси? (Ош, Жалал-Абаддын коменданттары.)
Aryba.kg
