Акыркы кабарлар
» Коом » Өлкөдө соңку аптада 44 миңден ашуун жаран сасык тумоо оорусунан жабыркаганы аныкталды
Өлкөдө соңку аптада 44 миңден ашуун жаран сасык тумоо оорусунан жабыркаганы аныкталды
20-декабрь, 12:36
Өлкөдө соңку аптада 44 миңден ашуун жаран сасык тумоо оорусунан жабыркаганы аныкталды. Бул тууралуу республикалык штабдан билдиришти. Маалыматка ылайык, оорулардын алдын алуу жана мамлекеттик санитардык-эпидемиологиялык көзөмөл департаментинин сасык тумоо жана курч респиратордук вирустук инфекциялар боюнча мониторингинин негизинде ушул жылдын 50-аптасына (12-декабрдан 18-декабрга чейин) карата КРВИ жана сасык тумоонун 44 миң 106 учуру катталды, анын ичинде сасык тумоонун 142 учуру лабораториялык тастыкталган. Аталган департаменттин сунуштамаларынын негизинде саламаттык сактоо министрлиги жана билим берүү жана илим министрлиги №2742/1 буйрук менен бардык түрдөгү жана формадагы жалпы билим берүү мекемелерин 2022-жылдын 15-декабрынан 24-декабрына чейин онлайн окутууга өткөрдү. Ден соолугунун мүмкүнчүлүгү чектелген жалпы билим берүүчү жатак-мектептер 16-декабрдан 30-декабрга чейин онлайн окутууга өткөрүлгөн.
