Эрлан Бекчоро уулу: “Азыр бийлик бутактары эки жээкке ачык бөлүндү”
-- Акыркы кадр алмашуулардын артында чоң саясат жаткандай... Кандай дейсиз?
-- Азыр бийлик бутактары эки жээкке ачык бөлүндү. Бир тарап Садыр Жапаровчулар, экинчи жагы Камчыбек Ташиевчилер. Кадрдык саясат элдин мүдөөсү, мамлекеттин кызыкчылыгы эмес, эки тандемдин тарапташтары эле талашып шарт коюп жатышкандай. Бул бийликти үстүртөн Бакиев башкарып тургандай шек санатат. Азыркы төбөлдөрдү “реваншисттер” деп саясатчылар кеп кылганын эске алсак, Нурланбек Шакиевдин парламент төрагалыгына келиши буга далил. Ошондой эле чек ара, протокол чырлары боюнча териштирүү кылдат жүрбөй, бийлик бутактарына Ташиевдин көздөй кадрлары келүүдө. Президент администрациясы менен жалгыз калып калышы мүмкүн. Азыркы кадрдык саясат ички оппозициянын тамырын бекемдеп жатат.
"Азия Ньюс" гезити
