Калдарбек Абдраманов: “Афганда али тынчтык жок, чек араны катуу көзөмөлгө алалы”
-- Кечээтен бери чек ара посттору тууралуу катуу талкуу жүрдү. Cаясаттан алыс адам катары сиздин пикириңиз да маанилүү болуп турат...
-- Чек ара посттордун, заставалардын санында деле эмес да. Кыргызстандын түпкү кызыкчылыгында Ак-Сай айылында эч кимден коркпой-үркпөй эле бир мотострелковый полкту жайгаштыруу керек. Чек ара такталып, чеп бекем болгуча. Азыр ал жерде батальон деле жок болушу керек. Илгерки Баткен окуясында ошол жерден афган боевиктери кирген, бизден 50-60 аскер адамы баатырларча каза болгон. Себеби, ал аймак негизги наркотрафикти кучагына алат. Баткендин эле эмес Кыргызстан, Өзбекстандын тагдырын чечүүчү жол. Афганда али тынчтык жок. Биз ошол чек араны, жолду катуу көзөмөлгө алышыбыз керек!
Жамиля Нурманбетова
"Азия Ньюс" гезити
