Алмаз Тажыбай: “Мектеп формасы колунда жок окуучуларга чоң тоскоол болуп саналат”
-- Учурда бирдиктүү мектеп формасын талап кылуу талкуу жаратты. Бул бүгүнкү күндө зарылбы?
-- Бирдиктүү мектеп формасы боюнча бир топ талкуулар жүрүүдө. Жумушсуз, көп балалуу ата-энелерге жаңы окуу жылына карата кийим, окуу куралдары менен камсыздоо бир топ оорчулук жаратары да байкалууда. Негизи мектеп формасы баланын окуу жетишкендигине эч бир таасир кылбайт. Ошондуктан 2015-жылы Кыргыз РРР еспубликасынын өкмөтүнүн токтому менен кабыл алынган форманы жоюп салыш керек. Бул окууга, колунда жок окуучуларга чоң тоскоол болууда. Мектеп формага ылайыктуу эмес кийинип келген үчүн окуучуну мектепке киргизбей койсо, же ошонун айынан жек көрсөтүлсө, анда ал кодулоо, дискриминация болуп саналат. Мисалы, мектепке окуучу кыздар жоолук салынып келсе, ал бирдиктүү мектеп формасын бузган болот. Анда адам укугун сактоо боюнча конституциялык норма бузулат.
Жамиля Нурманбетова
"Азия Ньюс" гезити
