Акыркы кабарлар
» Коом » Акжолтой Тукунов: “Укугу бузулгандар 24 саат бою Фейсбуктагы баракчам аркылуу мага кайрылгыла”
Акжолтой Тукунов: “Укугу бузулгандар 24 саат бою Фейсбуктагы баракчам аркылуу мага кайрылгыла”
05-июль, 18:14
Казинолорду мыйзамдаштырууга каршы чыгып жүргөн активист Акжолтой Тукунов Монополияга каршы жөнгө салуу кызматынын төрагасынын орун басары болуп дайындалды. Бул тууралуу Facebook баракчасында билдирди.
Маалыматты редакцияга айтылуу кызматтан тастыкташты.
Аны бул кызматка дайындоо боюнча буйрукка 30-июнда кол коюлган.
"4-июлдан тарта иштей баштадым. Керектөөчүлөрдүн укугун коргойм. Укуктары бузулган адамдар 24 саат бою Фейсбуктагы баракчам аркылуу байланышса болот. Кандай гана кайрылуу болбосун, маселени чечүүгө болгон күчүмдү жумшайм", - деди активист.
