Икрамов менен Турганбаевдин жеңишине какшык ыргыткан Мавлян Аскарбеков
Ардагерлер арасындагы дүйнөлүк мелдешке катышкан Жогорку Кеңештин депутаты Тазабек Икрамов коло медалды утса, ЖАМКнын төрагасы Мелис Турганбаев биринчиликти багындырып, көкүрөгүнө алтын тагынды. Сүрөөнчүлөр алкап-мактап жатып калышты. Бир гана Мавлян Аскарбеков принципиалдуулугун карматып, Икрамовдун пайдалуу мыйзам жазбаганын, Турганбаевдин реформа кыла албай атканын какшыктап, агымга каршы сүзгөндөй түр жаратты. Түпкүлүгүндө Мавлян мырзанын күйгөнүндөй эле бар, бүгүнкү күндө бийлик бутактары “тушалып”, бирине-бири окшош, а алдыга жылуу, өнүгүү, реформа качан болот? “Чымчыкты сойсо да касапчы сойсун” демекчи, ар ким өз кесиби менен кеткенде Кыргызстан өнүгөт беле? Негизи Мавлян Аскарбековдой таза, иш билги, демилгелүү жаштар келмейинче оңолбой калдык го...
Aryba.kg