Акыркы кабарлар
» Коом » Доллардын сомго карата курсу дээрлик 7% төмөндөдү
Доллардын сомго карата курсу дээрлик 7% төмөндөдү
30-март, 19:47
Кыргызстанда доллардын арзандоосу уланууда. Соңку бир күн ичинде анын сомго карата Улуттук банк аныктаган расмий курсу 6,73% төмөндөдү.
29-мартта расмий курс 94,2 сом деп аныкталган болсо, 30-мартка карата 87,9 сомго түштү. Ошол эле кезде евро (6,79%) менен рублдин (6,75%) сомго карата курсу дагы төмөндөгөн.
Дээрлик эки жыл 85 сомдун тегерегинде туруктуу кармалып келген доллар 24-февралда Россия Украинага басып кирген күндөн тартып кымбаттай баштаган. Эки апта ичинде анын куну дээрлик 20 сомго жогорулап, 106 сомго жеткен.
Кыргызстанда баалар доллардын курсуна карата аныкталгандыктан негизги азык-түлүк кымбаттап кетти.
