Акыркы кабарлар
» Коом » Быйыл буудай 42%га аз жыйналды
Быйыл буудай 42%га аз жыйналды
13-декабрь, 12:13
Улуттук статистика комитети республикада дан эгиндерин жыйноо толук аяктаганын билдирди. Маалыматка караганда, 23-ноябрга карата 577 миң гектар аянттан жыйналып, 1,4 миллион тонна дан бастырылды. Бул былтыркы жылга салыштырмалуу 29%га аз.
Жайында күн катуу ысып жана сугат суунун жетишсиздигинен дан эгиндеринин түшүмү азайган. Буудайдын түшүмү 42%, арпаныкы 46% кыскарды.
Ал эми май өсүмдүктөрүнүн жыйымы 25,4%, кант кызылчасы 19%, бакча өсүмдүктөрү 14%, мөмө-жемиш өсүмдүктөрү 3,9%, жүгөрү 3,3%, картошка 2,9%га төмөндөдү. (TSh)
