Кыргызстандыктар бош убактысын болбогон иштерге коротобу?
Улуттук статистикалык комитет 1649 үй-бүлөгө сурамжылоо жүргүзүп,12 жаштан жогорку курактагы үй-бүлө мүчөлөрү бир суткада убактысын эмнеге сарптай турганын изилдеди.
12 жаштан жогорку курактагы 48 пайыздан ашык кыргызстандыктар убактысын уктоого, өзүн кароого, тамак ичүүгө, мончого, чачтарачка, бейтапканага жана башка керектүү жерлерге барууга корото турганы белгилүү болду.
Бош убакыт 16 пайыз, жумушка кеткен убакыт 14 пайыз болору эсептелди.
Үй чарбасын кароого сутканын орточо эсеп менен 12 пайыз убактысы талап кылынат.
12 жаштан жогорку курактагы эркектер убактысынын 19 пайызын жумушка коротот, бул аялдардын убактысынан 2 саатка көп. Ал эми аялдар үй чарбасы менен бала тарбиялоого суткасынын 21 пайызын коротот. Аялдардын бош убактысы эркектердикине караганда азыраак.
"Азия Ньюс" гезити
