“Азия Молл” менен “Кыргызстан” банкынын жоопкерчиликтерин кароого мыйзамдуу негиздер бар”
-- Экс-депутат Кенжебек Бокоевдин коррупцияга айыпталып камалышы досу Өмүрбек Бабановго кандай таасирин тийгизет?
Мавлян Аскарбеков, оппозиционер:
-- Убагында мыйзамсыз алынган мүлктөр кайтарылууда, маанилүүсү – социалдык объектилер. Бирок, биз билгендей, борбордогу стадиондун ордуна салынган “Азия Молл” боюнча маселе көтөрүлбөдү. Ошондой эле “Кыргызстан” банкы да акционерлерди үлүшсүз калтырган чуусун билебиз. Жоопкерчилигин кароого мыйзамдуу негиздер көп, бирок башка өлкөлөрдүн кээ бир күчтөрүнүн ортого түшүүсү болуп жаткандай.
Жусупжан Жээнбеков, экс-губернатор:
-- Мен алардын жеке аласа-береселерине кызыкпайм жана кызыккым да келбейт, бирок ортодо акча, байлык-бийлик аралашкан болсо, ал эртеби-кечпи өз өчүн алат. Себеби, Жараткан эч нерсени бекерге жана оңойго бербейт...
"Азия Ньюс" гезити
