20 жаштан кийин өсүүгө болобу? Жомоксуз айтып берем
Бийик болгуң келет. Интернет болсо «өсүүчү витаминдерди», капсулаларды сунуштайт. Бирок эгер сен 20дан ашкан болсоң, анда кел, чынчыл сүйлөшөлү. Өсүүгө чындап эмне таасир этет?
Өсүү төмөнкүлөргө байланыштуу:
-- өстүрүүчү гормон (соматотропин);
-- ачык өсүү зоналары;
-- уйку, туура тамактануу жана генетика.
Mayo Clinic маалыматына ылайык, эркектерде сөөктөрдүн өсүү зоналары көбүнчө 21 жашка чейин жабылат. Анан кийин сөөк узарбайт. Кандай гана витамин же капсула болбосун, бул процессти кайра жандандырбайт.
Дары-дармектер жардам береби? Ооба, гормон өсүүчү дары бар. Бирок ал өспүрүм балдарга гана жазылат, эгерде чыныгы диагноз болсо (гормон жетишсиздиги, генетикалык синдром,өнөкөт оорулар). Чоң кишиге мындай гормон бой кошпойт, бирок зыян келтириши мүмкүн (диабет, кан басым, шишиктер).
Ал эми витаминдерчи? Бул – көбүнчө маркетинг. Ооба, витамин D, кальций, В12, цинк – маанилүү, бирок алар өсүшкө эмес, болгону организмдин функциясын колдоого жардам берет.
Чын эле эмне кылса болот? 5 см кошууга болбойт, бирок көзгө көрүнүктүү 2-3 см “бийик көрүнсө” болот, эгерде:
-- осанкаңды оңдосоң;
-- артыңды жана курсагыңды (core) чыңдасаң;
-- сунулуу, йога же сүзүү менен машыксаң;
-- омурткадагы кысымдарды азайтсаң.
Жыйынтык: сен «кичине» эмессиң. Сен чоң, акыл-эстүү адамсың. Түз, ишенимдүү, күчтүү көрүнүш сенин колуңда. Өсүү – бул сантиметр. Күч – бул сен бар нерсе менен эмне кыласың.
"Азия Ньюс" гезити
