Акыркы кабарлар
» Коом » Коронавирус кайгысы, өлүмдөр уланууда
Коронавирус кайгысы, өлүмдөр уланууда
10-август, 12:21
Коронавируска каршы республикалык ыкчам штабдын бүгүнкү, 10-августтагы маалыматына караганда, кечээтен бери Кыргызстанда бул инфекциядан дагы алты адам каза болду. Жалпысынан өлкөдө коронавирустан көз жумгандардын расмий саны 2413 адамга жетти.
Соңку бир күн ичинде вирус дагы 471 адамдан табылды. Алардын эң көбү Бишкек шаарында (212) жана Чүй облусунда (110).
Өлкөдө бул оору жуккандардын расмий катталган саны 169 миң 971 адамга жетти. Бир күндө 995 адам айыгып чыкты. Азыр ооруканада 2609 адам жатат, дагы 4481 бейтап үйдөн дарыланууда.
