Дагы төрт бейтап каза болду, оору 306 кишиге жукту

21-апрель, 11:46

529 ᠌ ᠌ ᠌ ᠌᠌ ᠌ ᠌᠌

Кыргызстанда 21-апрелге карата дагы төрт бейтап коронавирустан көз жумду. Илдет соңку бир суткада дагы 306 адамдан аныкталды. Мурда ооругандардын 161и сакайды.

COVID-19га каршы республикалык ыкчам штабдан кабарлашкандай, көз жумгандардын экөө Бишкекте, экөө Чүй облусунда.

Өлкөдө бул оору жуккандардын расмий саны 92 миң626 адамга жетти. Алардын 87 миң390у айыгып, 1561 бейтап ажал тапты.

Акыркы суткада оору аныкталгандар:

Бишкек шаарында – 203;

Чүй облусунда – 52;

Ысык-Көл облусунда – 16;

Ош облусунда – 11;

Жалал-Абад облусунда – 10;

Ош шаарында – 5;

Нарын облусунда – 4;

Баткен облусунда – 4;

Талас облусунда – 1.