Расул Умбеталиев, эксперт: “Кыргызстанда энергетика тармагы кризисте”
-- Кыргызстан Кытайга электр энергиясын экспорттоону пландоодо. Кошумчалай кетсек, CASA-1000 долбоорунун алкагында Ооганстан менен Пакистанды электр энергиясы менен камсыздоо айтылып атат. Өлкөнүн энергетика тармагы тышкы өнөктөштөр алдындагы милдеттенмелерин аткара алабы?
-- Биздин энергетика тармагы азыр кризисте. Өндүрүлгөн электр энергиясынын көлөмү калктын, бюджеттик жана өндүрүштүк абоненттердин керектөөлөрүн канааттандырууга жетпейт. Энергетика министри ченемдик-укуктук өчүрүүлөр зарыл экенин моюнга алды. Токтогул суу сактагычында суунун аздыгы да кыш зонанын ийгиликтүү бүткөрүлүшүнө таасирин тийгизүүдө.
CASA-1000ге ылайык, ооган бийликтери электр энергиясын өздөрү керектебей турганын, бирок анын Пакистанга өтүшүн камсыздап берерин жарыялаган. Бирок ал жерде линия бүтө элек, эки чоң конвектордук көмөк чордон курулбай жатат. Саясый тобокелчиликтер да бар, Ооганстанда жарандык согуш уланууда, Тажикстан биздин электр энергияны өткөрбөй коюшу мүмкүн, анткени алар өздөрү үчүн да кызыкдар. Бул үчүн жакынкы эки-үч жылда бизде энергетикалык кубаттуулук жетишсиз болору айкын. Экспортко эмес, ички керектөөлөрдү да толук камсыздабайт. Кыргызстанда дефицит болжол менен 3,9 миллиард кВт/саат. Чакан ГЭСтер жакынкы райондордун керектөөлөрүн гана камсыздай алат. Мүмкүн, Камбар-Ата–I ГЭСи курулгандан кийин мындай мүмкүнчүлүктөр жайында гана эмес, кышында да пайда болуп калаар деген үмүттөмүн.
"Азия Ньюс" гезити
