Экс-ажого түрмөдөгүлөр сый менен мамиле кылып атышыптыр

12-ноябрь, 13:01

840 ᠌ ᠌ ᠌ ᠌᠌ ᠌ ᠌᠌

№47 колонияда отурган Алмазбек Атамбаев “закрывашкага” тыгылбай эле көпчүлүк менен аралашып, ээн-эркин жүргөнү сыр эмес. (Өткөн жумада жабык жайдагы сүрөтү да чыгып кеткен). Атургай, анын жаткан камерасын актап-сырдашып, камкордук көрүшкөнү да каңкууланды. Атамбаев түрмөдөн урмат-сыйга ээ болуп атса, демек, келечекке карай саясый жолу да ачылабы? Бул олуттуу коңгуроо! Соңку маалыматтар боюнча, Кремль Атамбаевдин камактан чыгуусуна кызыкдар болгону эмнени билдирет? Мындай жагдайда Садыр Жапаров саясый туткундардын баарын бошотууга шарт түзүп, кадыр-барк алууну көздөсө не? Ошого катар экс-президентти дагы түрмөдөн бошотсо, өзүнө көз каранды, карыздар кылып алары шексиз эле. “Султан сөөгүн кордобойт” дечү беле?.. 

"Азия Ньюс" гезити