Манас Осмон, журналист: “Мыйзамсыз жашаган байлар өлкөдөн качып атышат”
-- Өлкөдөн убактылуу түрдө чыгып кетишкен саясатчылардын, мурдагы чиновниктердин, бизнесмендердин катарлары калыңдаптыр. Буга кандай ойдосуз?
-- 1995-жылдагы менчиктештирүү саясаты бир топ алешемдиктерди кошо ала келди. 30 жыл аралыгында мамлекеттин мүлктөрү таланып-тонолду. Мындай аракет саясатчылардын, байлардын табиятын андан бетер бузду. Калк кедейлешти. Туура бийлик мындай башаламандыкка чекит коюшу керек эле. Менимче, ошол процесс учурда жүрүп жатат. Албетте, мыйзамсыз жашагандар өлкөдөн качат.
-- Мындай көрүнүш келечекке карай кандай таасир этет?
-- Кийинки муун өлкөсүн тонобойт, мамлекеттик мүлктөрдү итбекер ээлеп калганга аракет кылбайт. Мунун жаман экенин түшүнөт. Ошондуктан, өлкөсүн тоноп качкандарды келечек муун кечирбейт деп ойлойм.
"Азия Ньюс" гезити
