Темирлан Аскеров, жарандык активист: “Эгер туруктуулук менен шарттар каралса, инвесторлор келишет”
-- Тышкы карыз көбөйүп эле баратат. Же инвестиция тартуу боюнча кыйраткан деле иштер жок. Бул жагы кооптондурбайбы?
-- Эч кандай коркунуч көрбөй турам. Эң негизги башкы маселе – алынган карыздар туура сарпталып, натыйжалуу коротулганында. Эффективдүүбү, чаржайытпы, туура пайдаланылабы – кептин баары ушунда. Ар бир тыйынын санап, акчаны туура башкарса, бул маселе эмес. Келишимдер кандай шарттар менен түзүлгөнүн караш керек. Эгер келишимдер кыргыз элинин кызыкчылыгына жооп бербесе, демек, бул келишимдерде коркунуч бар. Мурунку бийлик Кытайга карыздарды туура эмес келишимде түзсө, анда кылмыш ишин козгоп, териштирүү зарыл. Эң башкысы, келишим кандай шартта түзүлгөнүн, акча кайда коротуларын кароо абзел. Экинчи маанилүү багыты – инвестицияларды тартып келүү өлкөгө ишкерликтин шартын түзүп, жеке менчикти коргоп, кылмыштуулук менен күрөшүп, аларды түп-тамыры менен жок кылуу зарыл. Кармап коюп кайра коё бере бербей, акырына чейин күрөшкөн оң.
Эгер ушул шарттар каралса, инвесторлор келет. Ошондо элибиз байып, миграция да токтомок. Өлкө дагы туруктуу өнүгөт эле.
"Азия Ньюс" гезити
