Кеч туруу ашыкча салмакты пайда кылат
-- Эс алуудан тышкары максатсыз уйку бүт денеге зыян. Булчуңдар бош болуп, тери чыйрактыгын жоготот;
-- ашыкча уйкуда буйдаланып ыңгайсыз жатуу көнүмүш болуп калат. Бул жүзгө, моюнга, төшкө бырыш түшүрүп, карылыкты эрте чакырат;
-- кыймылсыздыктан денеге туз уюп, омуртка оорулары пайда болот. Уйкучулук мурда бар муун ооруларын ого бетер күчөтөт;
-- максатсыз уйку кан айланууну начарлатат. Бул ашыкча салмактуулукту пайда кылат. Адамдагы ар бир ашыкча май – жаңы оору;
-- уктап калуу таңкы тамакты кечеңдетери анык. Ал эми ашказан сиздин ойгоо же уйкуда экениңизге карабай өз кызматын аткара берет. Эртең менен бош иштей берген ашказан сөзсүз ооруга кабылат;
-- бөйрөктө да ушул маселе. Табарсыктын чыңалып толгонуна карабай, уктаганда заара денеге тарап кетет. Бул эң алды бөйрөккө зыян алып келет.
"Азия Ньюс" гезити
