Акыркы кабарлар
» Кеменгер кеп » “Деңиз болууну кааласаң, адамдардын сөзүнө маани бербе”
“Деңиз болууну кааласаң, адамдардын сөзүнө маани бербе”
07-февраль, 09:00
Бир бала деңиз жээгинде жүрүп, бут кийимин түшүрүп алып, таппай калды. Ал жээктеги кумга келип, “Бул деңиз – ууру” деп жазып койду.
Бир балыкчы ошол деңизге тор таштап, бир топ балык кармады. Анан кумга “Бул деңиз – мээримдүү” деп жазып кетти.
Бир жаш жигит ошол деңизге чөгүп кетти. Апасы азап тартып, жээкке “Бул деңиз – жан алгыч” деп жазып калтырды.
Бир кары адам ушул деңизден өтө баалуу таш таап алды. Ал да кумга келип, “Бул деңиз – жоомарт” деп жазып кетти.
Соңунда жээкке улуу толкун келип, жазуулардын баарын өчүрүп кетти. Ошондо деңизден мындай добуш угулду: “Деңиз болууну кааласаң, адамдардын сөзүнө маани бербе...”."Азия Ньюс" гезити
