Эмне үчүн аялдарыбызга “мен сени сүйөм” деп айткыбыз келбейт?
Айрым түгөйлөр бири-биринин ортосунда сезим калбаганын, ортолорунда суук сезим пайда болгонун айтышат. Анын себептери ар башка болушу мүмкүн. Бирок, башкы себеби – алардын бири-бирине “мен сени сүйөм” деп айтпаганы. Айрым эркектер аялдарына сезимдерин билдирүүнү артык көрүшөт, бирок “бул туура эмес” деп, “андай жаштан өткөнүн”, “айтканда эмне пайда?” же “аялдарына баш ийген эркектер гана айтышат” деп ойлошот. Күйөөлөр аялдарын чындап сүйөрүн айтып, аларга жылуу-жумшак сүйлөшү керекпи? Бул туурабы?
Негизинен, Алла Таала эркектерге аялдарга боорукерлик таанытып жана жакшы мамиле жасоону буюрган. Бул жөнүндө Куранда мындай делет: “Аялдарыңарга боорукер болгула жана аларга мээрим тартуула” (Ниса сүрөөсү, 19-аят).
Аял киши табиятынан назик келет жана аны эске алуу менен аял күйөөсүнүн жылуу сөздөрүн, камкордугун жана боорукерлигин көрсөтүшүн каалайт. Жубайлардын бири-бирин сүйүшү жана “мен сени сүйөм” деп айтканы жакшы. Жакшы сөз адамдын жүрөгүн жылытат, жубайлардын сүйүүсүн арттырат, аларды жакындатат. Андыктан, бири-бириңиздерден жылуу сөздөрдү аябай, “мен сени сүйөм” деп көп айтыңыздар!
"Азия Ньюс" гезити
