Жаңы жыл тууралуу кызыктуу фактылар
Жаңы жылга балатыны кооздоо салты XVII кылымда Германияда пайда болгон. Байыркы немецтер балатыны алма, печенье, канттын бөлүктөрү менен кооздошчу.
***
1895-жылы алгачкы электр гирляндасы менен американын Акүйүнүн алдындагы балаты кооздолгон.
***
1843-жылы Лондондо алгачкы жаңы жылдык открытка басылып чыгарылган. Ошондон тарта жаңы жылга открытка берип куттуктоо салты пайда болгон.
***
Бишкек (мурунку Пишпек) 1895-жылы Орто Азия чөлкөмүндө алгачкылардан болуп балаты орноткон. Алматы шаарында 1913-жылы, Ташкентте 1955-жылы коюлган.
***
Дүйнө жүзүндөгү аяз аталардын тону кызыл түстө. Ал эми кыргыз аяз атанын тону көбүнесе көк болот.
***
Жаңы жыл майрамы – үй-бүлөлүк майрам. Кыргызстандагы бул майрамдын негизги атрибуттары – мандарин, оливье салаты жана шампан.
"Азия Ньюс" гезити
