Тузду тамакка кошкондон башка дагы пайдаларын биле жүрүңүз
Тамакты таттуу кылган – туз. Туздун мындан башка да көптөгөн касиеттери бар. Мисалы, ал өзүнүн химиялык курамынын эсебинен сууну өзүнө жакшы сиңирет.
Кантип пайдалануу керек?
Кышында машиненин айнеги тоңуп калбаш үчүн 4 литр сууга 2 чай кашык туз кошуп, ошону менен терезелерди ичинен сүртүп туруңуз.
***
Укроп, петрушка, салат жалбырагы сыяктуу көк чөптөргө жармашкан кирлерди жакшы кетирүү үчүн аларды пайдаланардан мурун туздуу сууга жууңуз.
***
Эгерде жерге төшөлгөн плиткалардын арасынан чөптөр өсүп кетсе, алгач ошол жерлерге туздан себиңиз, андан соң сугарып салсаңыз, чөп чыкпай калат.
***
Кокус жумуртка колуңуздан түшүп жарылып калса, үстүнө дароо туздан себелеп коюңуз. Туз өзүнө жумуртканын жабышчаак бөлүгүн сиңирип алат. Ал эми калган бөлүгүн тазалоо жеңил болот.
"Азия Ньюс" гезити
