Ата-энем мажбурлап күйөөгө берди

06-апрель, 12:10

1 051 ᠌ ᠌ ᠌ ᠌᠌ ᠌ ᠌᠌

Мен 22 жаштамын. Жакында эле турмушка чыктым, он күндөй болуп калды. Ата-энем мажбурлап эле күйөөгө узатып салышты, каршы чыга албадым. Ал бала менден беш жашка улуу, аны да ата-энеси мажбурлап үйлөнттү. 

Жаңы үйгө жакшы көнө албай кыйналып жатам. Бири-бирибизден качып эле өз-өзүнчө жатабыз. Ал да, мен да ачык сүйлөшө албай жатабызбы, билбейм. Кечинде бир аз ичимдик ичип жаныма келип, “ата-энебиз каалаган каада-салтты да аткарып коёлубу?” деп туруп калды. “Ата-энем кааласа, мен каалабайм” десем, ал дагы жөн калбай, “мен да каалабайм” деп чыгып кетти. Бүгүн эртең менен жумушка кетип баратып, “кечинде капа кылсам кечир, бизге убакыт керек окшойт” деди.  Бирок ажырашууну ойлобойм, атам асып коёт. 

Зарина