Каза болгон жигитим жанымда отургандай сүйлөшө берем. Ыйлайм...
Жигитим менен 7 жыл сүйлөштүм. Экөөбүз бир айылданбыз, кошуна дагы болобуз, бири-бирибизди кичинебизден тааныйбыз. Жигитим экөөбүз жашап жүрдүк, анан боюмда болуп калды, ал айдоочу болуп иштеп жүргөн эле, тоюбузга 2 күн калганда жигитим автокырсыктан каза болуп калды, аны укканда эле боюмдан түшүп калды. Ал күнүгө түшүмө кирет, мүрзөсүнө дагы барып, куран окуп турам. “Кудайга жакпаган иш кылдым” деп оронуп намаз үйрөнүп баштадым, эми кандай кылам? Жигитимди такыр унута албайм, күнүгө эле жанымда жүргөндөй. Сагындым аябай, же мен псих болуп баратамынбы? Билбейм. Жанымда эле жүргөндөй боло берет, кээде экөөбүз сүйлөшөбүз отурабыз. !Баламды сен карабай койгонсуң” деп мени күнөөлөйт. “Сени сагындым” дейм. “Качан келесиң?” деп мени көп чакырчуу болду? Кандай кылам эми? Ыйлай берем…
Мирзада
