Акыркы кабарлар
» Коом » Дүйнөдөгү эң кичинекей адам каза болду
Дүйнөдөгү эң кичинекей адам каза болду
18-январь, 16:39
Дүйнөдөгү эң кичинекей бойлуу катары табылган непалдык Кхагендра Тхапа Магар кечээ, 17-январда 27 жашында көз жумду.
Магардын бою 67, 08 сантиметр болчу. Ал пневмониядан улам Покхар шаарынын ооруканасында каза болгон.
Магардын рекорду 2010-жылы ал 18 жашка толгондон кийин Гиннестин рекорддор китеби аркылуу расмий тастыкталган.
Магар кийин бир аз убакытка рекордчу наамынан ажыраган, себеби, жашап жаткандардын арасында боюнуну узундугу 54, 6 сантиметр болгон непалдык Чандра Бахадур Данги бар болчу. Чандра Бахадур Данги 2015-жылы каза болгондон кийин Магар кайрадан рекордчу наамын алган.
Эми дүйнөдөгү эң кичинекей адам колумбиялык диджей Эдвард Эрнадес болуп калды. Анын боюнун узундугу 70, 21 сантиметрди түзөт.
Aryba.kg
