Өзүмдөн 21 жаш улуу адамды жактырганымды ата-энеме айта албай жүрөм
Мен интернет аркылуу бир мырза менен таанышып калдым. Кичине сүйлөшүп, ал инсанды жактырып калдым. Мага үй-бүлө курганды сунуш кылды, бирок ал азыр Америкада. Анын өз үй-бүлөсү бар, бирок 3 жылдан бери өз үй-бүлөсү менен жашабайт. Америкадан өз үйүнө келе албай жатат жана менден 21 жаш улуу. Эгер ага турмушка чыгууга ыраазы болсом, өз аялына мен жөнүндө айтып, үйлөнүүсүн сунуш кылды. Аны аябай жакшы көрүп калдым. Анткени Кудайды тааныйт, намаз окуйт. Келечекте бала көрсөк аларды да ислам тарбиясы менен чоңойтуу ниети бар. Билбейм башка жигиттерге көңүл бере албай жатам. Жакшы үй-бүлөлөрдөн жуучу келди, жакпай атат...
Ушуга кандай карайсыңар, ата-энеме ал жигит жөнүндө айта албай жатам. Ал Америкага чакырууда. “Сен жаныма келсең, кийин үйдөгүлөрдөн жуучу барат, кыз калыңы баардыган кылып нике окутуп, анан сага үйлөнөм” деп жатат. Өзү келе албайт. Мен ал инсанга ишенем, ушуга кандай сунуш бересиңер? Келечекте ошо инсан менен бактылуу болууга көзүм жетет...
Малика
