Мен көпкөндөн улам жаман иштерге бардым, өзүмө жагып сойку болдум
Терезени тиктеп отурам. Ооба, ал жакта менин жаркын жашоом менен басып өткөн жолдорум жатат. Катачылык кылдым. Жаңылдым. Жаза басып далай жаман иштерге бардым. Жашоомдун баары капкара булут менен курчалган болсо да, апама деген аруу сезимим, ага болгон балалык мээримим дагы эле турат. “Апа” деп болгон күчүм менен бакырып, кечирим сурагым келет. Бирок сиз кечирген күндө да мен өзүмдү кечире албайм. Мен көпкөндөн улам жаман иштерге бардым. Жашоомдо элден башкача жашагым келди. Күндө көңүл ачкым келди. Жалданып Орусияга чейин бардым. Сиздин ыйлап жазган СМСтериңиз мага ошол учурда тыйынга да татыган эмес. Азыр зармын. “От менен ойнойм” деп оору жугуздум. Эми айыкпайм. Эми жооп беришим керек. Акыретте да жооп берем. Апа мен сиздей болуп эне статусуна ээ боло алган жокмун.
Айнура
