Прогноз погоды в городе Бишкек
Акыркы кабарлар
» » Жашым отуздан өткөндө ажырашкан адамды жактырып, азабын тарттым

Жашым отуздан өткөндө ажырашкан адамды жактырып, азабын тарттым

20-июль, 13:54
823 ᠌ ᠌ ᠌ ᠌᠌ ᠌ ᠌᠌

Отуз жашка чейин эч кимди сүйө албадым. Көкүрөгүм боштукта бул дүйнөнүн ушунчалык таттуулугун, ырахаттуулугун сезбей, кырчындай жаш күндөрүм өтүп жатты... 

Отуздан өткөндө капысынан ажырашкан адамды жолуктуруп, сүйүп калдым. Бул күндөрүм жашоодогу эң бактылуу күндөр эле. Ал адамдардын асылы эле. Ар бир сөзү, турган турпаты – баары суктандырды. Баардык тулку боюм, жандүйнөм менен ага берилдим. Бакыттын дайрасы эле. Анын ажырашканына он жыл болуптур. Өзүм болсо турмушка такыр чыккан эмесмин. Бир күнү баш кошууну сунуштап калды. Аны жанымдай көргөн жаным дароо макул болдум. Кубанычымда чек жок. Ошентип баш коштук. Балээнин баары баш кошкондон кийин башталды. Экөөбүзгө жолтоо болгондор көбөйдү. Мындан он жыл мурун ажырашкан аялы баш болуп, бизге тынч жашоо бергиси келбеди... Мурунку аялы, он жыл ичинде жүргөн кыздары күйөөмдү талаша баштады. Бир сулуусу болсо арзуу каттарын жазгандан эринбейт. “Баягы сиз менен бирге жүргөн күндөрдү сагындым. Кантип унутам? Сизди эч кимге бергим келбейт. Сизди өмүр бою күтөм. Ажырашыңыз. Ал сизди мендей сүйө албайт” деп жазылыптыр каттарында. “Сүйүүнүн азабынан акын болуп кеткем” деди. Ал дагы ачыкка чыгып, үйгө келе баштады. Ал келген сайын үйдө чыр-чатак башталат. Эмне кылышты билбей калдым. Ушундай күндөргө туш болом деп үч уктасам түшүмө кирбептир. Күйөөмдү кызгана берип, жандүйнөм жанчылды, боюмдан түштү. Анан эле катуу ооруп калдым. Алсырап, кара тер кетип, бир нече күн төшөктө жаттым. Күйөөм да ооруду. Экөөбүз тең өлүп кала жаздадык. 

Көрсө, дубалашыптыр. Ишенүүгө туура келди. Жандырдык. Жакшы жашап жатсак, жашообузга кайрадан жаман адамдар пайда болду. Көрсө, алар күйөөмдүн бөтөлкөлөш достору экен. Аттиң, алар менен кете берип, акыры аракка алдырып баратты. Канчалык алардан ажыратууга аракеттенгеним текке кетип жатты. Кол көтөрө баштады. “Күнүгө арак ичип турабыз. А сен куюп турушуң керек” деп достору мени башкарууга өтүштү. Коломтобуздагы отко суу куюшту. Жалгыз калдым. Баары каптап кетишти. Алар жеңди, мен жеңилдим. Ушунчалык күйөөмө жиним келди. Бир жагынан жаным ачыды. Боорум ооруду. Кандай жакшы адам!..  Бул тирүүлүктө мен сүйгөн жалгыз адам. Бирок, бирок... Көрсө, мурда эле иччү экен. Ичкенинин азабынан аялы менен ажырашыптыр. Аны азыр билип отурам. Акыры коломтобуз өчтү. Кетүүгө туура келди... 

Канчалык сенден кордук көргөн күндөрүм көп болсо да, азыр сени күтүп күн өткөрүп жатам. Каалга кылдыраса же телефон шыңгыраса, сен чалгандай же келгендей болосуң, бүткөн боюм “дирт” дей түшөт. Азыр сени жек көрөм, жакшы да көрөм... бир байкушсуң. Өзүңдү, өңгөнү да барктабаган адамсың. Дагы деле болсо күтөм, ишенем, оңолуп, жаркылдап, уулум экөөбүзгө кайрылып келерсиң... Эбегейсиз үмүтүм, чоң тилегим бар...


"Азия Ньюс" гезити

Бөлүшүү:



Тектеш материалдар:
Эң көп окулгандар
(Видео) Индиядан келген дааватчылар милицияга баш ийбей коюшкан
“Казакстанда коронавирус катталды” деген билдирүү тарап жатат
“30-апрелде карантин токтосо, 100 миңдеген адамдардын өмүрүнө коркунуч келтиребиз”
Аалы акын Дастан менен Зарылды “таластыктардын чимкириктери” деди
Чубак ажы Жалилов чын дүйнөгө кете берди...
(Видео) Карантиндеги чатак. Күйөөсү аялын терезеден ыргытты...
(Видео) Алматы көчөлөрүндө адамдар кулай баштады. Себеби?..
Aryba.kg - Маалымат порталы
Сайтка баа бер