Темирбек Ажыкулов: “Экономикалык өсүүдөн мурун стабилдешүүгө муктажбыз”
-- Өкмөт 2022-жылы Кыргызстандын экономикасынын темпи 6,5%га чейин өсөрүн болжолдогон. Бирок ички дүң продукциянын өтө төмөндөп кеткени айтылууда. Себеби эмнеде?
-- Биздин министрлер кабинетинин башчысы айтып койсо эле өзгөрүү, өсүү болуп кетпейт да. Биринчиден, бул аймактардагы экономикалык кырдаалга байланыштуу. Жалпы региондордо экономиканын өсүүсү эмес, төмөндөөсү байкалып турат. Өсүүдөн мурун стабилдешүү зарыл. Украинадагы согуш экономикага кедергисин тийгизди. Соода-сатык, бизнес алсырап кетти. Туризм деле анча жакшы болгон жок. Экинчи чоң фактор – Кыргызстандын ичиндеги саясый абал. Акыркы убактарда бизнеске болгон кысым көбөйдү. Бул мурдатан эле болуп келген, азайып кеткен деле жери жок. Муну эске албаса болбойт. Инвестицияга эң эле таасир берген фактор – туруктуулук. Андан кийин сот, салык органдарынын кысмалоосу, айтор, көп себептери бар.
Жамиля Нурманбетова
"Азия Ньюс" гезити
