“Сүйдүм” десем Элмирбекти, мени чоочуй карашат...
Элмирбекти жоготконуна эл өксүп, жүрөктөгү өксүктөрүн ырга айландырышууда. Алардын бири Айнура Мамытова төмөндөгү ырды жараткан.
“Сүйдүм” десем Элмирбекти,
Мени чоочуй карашат...
Өлгөнүнө көңүл чөктү,
Шылдың кылган адашат...
Кантип сүйбөй койсо болот,
Шыңгыр булак жигитти...
Сезими ойноок, жеңил ойлуу,
Көптү сүйгөн жигитпи?!
Сүйсө, сүйсүн Элмирбектей,
Арзуусуна суктандым...
Ар тарабы эталондой,
Жүрөк жибийт уккандын...
Төрт тарабы, төп келишкен,
Сүйкүм жүзү жаркырайт...
Мээрим толгон көкүрөгү,
Карегинен чачырайт...
Жакын жактан бет алышып,
Көрбөсөм да, көргөндөй...
Касиети ооздон чыгып,
Ыры көктөн төккөндөй...
Жасалма ыр курабаган,
Адамдыгы бийик чеп...
Сый-урматы аялзатка,
"Аруузаты" узун кеп...
Мен да сүйдүм Элмирбекти,
Кыргыз кыздын бирөөсү...
Карегимде калып калды,
Кайталангыс нур өңү....
