Назира, сени өчө элек жылдыз катары баалайм...
(Журналист Назира Кадыевага!)
2000-жылдары КМУУнун №5 корпусунун алдындагы аялдаманын артында турабыз. Адатымча төрт-беш баланы топтоп алмай жайым бар. Шарактап калабыз. Аңгыча эле өтөсүң, көзүңдү сүзүп, жамбашыңды чайкап баса бересиң. Моймолжуган, көркөмдүү кыз элең да. Ошентип, сени жакшы көрүп калдым. Дайыма ошол аялдаманын артында чычая чылым чегип, түшкө маал сенин өтө турган убактыңды күтүп турам. Кылыктана кадам таштайсың. Ошентип, биз таанышпай калганбыз...
Кийин 2009-жылы көрүштүк. Сыйлаштык... Дос катары мамиле кылып жүрдүк, кайрадан аралык үзүлдү... Азыр кайдасың? Балпайган аял болсоң керек. А мен баягыдай эле узун бойлуу, тике караган, кулакты жибиткен мырзамын. Назира, сени өчө элек жылдыз катары баалайм...
Кадыр
"Азия Ньюс" гезити
