Сиңдиме түгөй издейм...
“Эжени көрүп сиңди өсөт” дейт го кыргызда. Мен кудайга шүгүр, турмушка чыккам. Бактылуу жар, мээримдүү эне болуп отурам. Ошону менен бирге сиңдимдин да мендей бактылуу болушун каалайм. Анткени үй-бүлө курган соң жашоонун даамын сезип, камкордукту, сүйүүнү, келечекти даана көрө алат экенсиң. Аял киши ошонусу менен бактылуу болот эмеспи. Менин 25 жаштагы сиңдим бар. Учурда Москвада эмгектенебиз. Сиңдим экөөбүз эгиздердей бирге чоңойгонбуз. Жаш айырмачылыгыбыз эки жыл. Сиңдим татынакай, жаман адаттардан алыс, өтө чынчыл, оор басырыктуу, бир калыпта жүргөн кыз. Бир мүнөз болгондуктан, анча ачылып сырын айта бербейт. Ага турмуш куруу тууралуу мен да айта бергим келбейт. Бактылуу болуп, жактырган адамын жолуктурса деп тилейм. Ыймандуу, намыстуу, мыкты жигиттер сиңдиме жолукса деп тилейм.
Айзирек
"Азия Ньюс" гезити
