Кубатбек Боронов: “Эшекти айтпай эле коёюн, азыр ат минген бир адам жок”
“Мен дайыма салыштырып жүрөм. Силер да жолугушууларга көп барасыңар. Мындан он жыл мурун айылга барганда ат, эшек минип, анча-мынчалары машина менен жолугушууга келишчү. Үч-төрт жылдан бери байкап жүрөм, азыр бир ат жок. Беш жүз адам чогулса, жок дегенде эки жүз элүү машина болот. Ар бир адам же үй-бүлө өзүнүн машинасы менен келишет. Эшекти айтпай эле коёюн, азыр ат минген бир адам жок” деп биринчи вице-премьер-министр Кубатбек Боронов билдирди. Мындай пикири талкууга алынып, коомчулук тарабынан сынга кабылды. Ошондо жалпы элибиз ат, эшек минбей машинада чалкалап, заманыбыз оңолуп кеттиби? Минтип салыштыруу логикалык жактан ката да. Учурда көпчүлүк айылдарда кыйналып жашагандар арбын. Атка, эшекке зар болгондор бар. Элдин жинине тийбей эле байкап сүйлөсө болбойт беле?
Aryba.kg