Акыркы кабарлар
» Жанирмем » Күйөөм үч кызын таштап, талаадан бакыт издеп жүрөт
Күйөөм үч кызын таштап, талаадан бакыт издеп жүрөт
27-август, 23:33
Күйөөм менен жашаган алты жыл аралыгында үч периштелүү болдум. Кичүүмө жети ай толгондо, төрөттүн азабы, күйөөнүн кыянаттыгы кошо сыналды. Мен ооруп жатсам, ал башка кыздар менен мамиле куруп жүргөнүн угуп, жүрөгүм ого бетер жараланды эле.
Кыздарымды жетелеп, төркүнүмө кеттим. Кайын журтум кайра алып келишти. Күйөөм болсо Москвага иштегени кетти. Андан бери кабары жок, акчасын да көргөн жокпуз. Ар кимден карыз сурап жашайт.
Кээде ажырашып кутулууну ойлойм, бирок кыздарыма карап, токтоп калам. Бактыма жараша кайын журтум камкор. Ошентсе да түн ортосунда көз жашымды тыя албай ыйлап чыгам. Бир гана асыл тилегим – кыздарымды аман-эсен чоңойтуп алуу болуп турат.
Сезим
"Азия Ньюс" гезити
