Ата-энелердин азабын тарттык... Ажырашсак да кол үзө албай келебиз

11-октябрь, 06:46

4 690 ᠌ ᠌ ᠌ ᠌᠌ ᠌ ᠌᠌

Биздин ажырашканыбызга жыл аяктады. Жолдошум экөөбүз бири-бирибизди жакшы көрүп, кол үзө албай, ата-энелерибизден жашынып, жолугушуп жүрөбүз. Ата-энелерибиздин ортосунда бет карашкыс болчудай жаңжал чыккан. Баягы эле дүнүйөнүн айынан. Анын да, менин да ата-энем биздин никебизге, кайрадан жарашуубузга караманча каршы. А биз биротоло кол үзүшө албай, же башкага көңүл чаппай, жаштыгыбыз учуп баратат... Аны таптакыр унута алчудай эмесмин.   Кандай кадамга барам? Бассам-турсам ойлоном. Мен ансыз жашай албайм. Жашоо ушундай кызык экен. Айрымдардын ата-энеси жараштыра албай, айрымдардыкы ажыраштыра албай убара. Биз азап тартып келебиз...

Жашоо, сүйүү зарын тартып дагы канчага жүрөм?

Диля 

"Азия Ньюс" гезити