Кайнатам “менден балалуу болуп ал” деди
Мен 25 жаштамын. 3 жарым жылдан бери балалуу болбой келебиз. Жолдошумдун уруктугу аябай аз экен. Учурда дагы деле дарыланып жүрөт. Дарылануу жардам бербеди. Акчаны жакшы табат, мени жакшы көрөт. Мен да аны жакшы көрөм. Акчаны мага каалашымча берет. Мени үйгө иштетпей отургузуп койгон. Кайненем Казакстанда иштейт. Кайнатам биз менен чогуу турат. Ал кечээ ичип келип, “кел кызым, менден төрөп ал, сен да көптөн бери кыйналып жүрөсүң го... Кел каныбызды алмаштыралы” деди. Үйдө эч ким жок эле. Сыртка качып кеттим. Кечинде жолдошума баарын айттым. Түнү менен атасын урушту. Атасынан кечти. “Сендей атам жок” деди. Менин жанымда отуруп, бүлкүлдөп ыйлап жатты. Атасы үйдөн чыгып кетти. Бирок, барар жери жок кайра келери маалым. Эми бир үйдө кайра жашоо кечиребиз. Эмне кылаарымды билбей кыйналып жүргөн чагым...
Ажар Муратбекова
